- காரல் மார்க்ஸ்
மத்திய உள்துறை அமைச்சர் அமித்ஷா காங்கிரஸ் மற்றும் திமுக உள்ளிட்ட அதன் கூட்டணிக் கட்சிகளை தங்கள் கூட்டணியின் பெயரை ‘இந்தியா’ என்று மாற்றுவதால் மட்டும் அவர்கள் மீதுள்ள ஊழல் கறை மறையப் போவதில்லை என்று கடுமையாக சாடினார்.
தமிழக பாஜக தலைவர் கே.அண்ணாமலை மாநிலம் தழுவிய ‘என் மண், என் மக்கள் (எனது நிலம், என் மக்கள்)’ பாதயாத்திரையை தொடங்கி வைப்பதற்கு ராமேஸ்வரத்திற்கு வருகை தந்திருந்த பாஜக மூத்த தலைவர் அமித் ஷா , முன்னதாக நடைபெற்ற பேரணியில் இவ்வாறு பேசினார்.
ஐக்கிய முற்போக்குக் கூட்டணி ஆட்சியின் 10 ஆண்டுகளில், 12 லட்சம் கோடி ரூபாய் ஊழல் நடந்துள்ளது, இப்போது கூட்டணியின் பெயரை மாற்றுவதால் எந்த மாற்றமும் ஏற்படாது என்று அமித் ஷா கூறினார்.
காங்கிரஸும், திமுக உள்ளிட்ட கூட்டணிக் காட்சிகள் மக்களிடம் வாக்கு கேட்டுச் செல்லும் போது, பொதுமக்களுக்கு அவர்கள் செய்த ஊழல் தான் நினைவுக்கு வரும். காங்கிரஸ் ஆட்சியின் போது நடைபெற்ற 2ஜி ஸ்பெக்ட்ரம் ஊழல், காமன்வெல்த் விளையாட்டு ஊழல் , நிலக்கரி ஒதுக்கீடு ஊழல் , நீர்மூழ்கிக் கப்பல் , இஸ்ரோ ஊழல் , ஹெலிகாப்டர் ஊழல் போன்றவற்றை மக்கள் இன்னும் நினைவில் வைத்திருப்பார்கள். என்று அவர் குறிப்பிட்டுள்ளார் .
370 சட்டத்தை நீக்குவதை காங்கிரஸ்-திமுக மற்றும் கூட்டணி கட்சிகள் எதிர்த்தன; காஷ்மீர் நமக்கு சொந்தமானதா இல்லையா என்று கேள்வி எழுப்பிய அவர், “தேசத்தை பயங்கரவாதத்திலிருந்து விடுவிக்க வேண்டாமா? என்ற கேள்வியையும் எழுப்பினார் மோடி நடத்திய சர்ஜிக்கல் அட்டாக் மற்றும் வான்வழித் தாக்குதல்களை மேற்கொண்டபோது, காங்கிரஸ்-திமுக உள்ளிட்ட UPA கூட்டணி காட்சிகள் அதனை எதிர்த்ததை நினைவூட்டினார் .
பிரதமர் நரேந்திர மோடி தமிழ் மொழியின் மீது கொண்டுள்ள அளவுகடந்த பற்று குறித்து பேசிய அமித் ஷா , புதிய நாடாளுமன்றக் கட்டிடத்தில் செங்கோலை நிறுவியதன் மூலம் மோடி தமிழ் கலாச்சாரத்தைப் போற்றியதாகக் கூறினார். தமிழ் மொழி, பண்பாடு, தமிழ்த் தலைவர்களின் சிந்தனைகளை பல்வேறு தளங்கள் மூலம் உலகுக்கு எடுத்துரைத்தார் மோடி. “ஐக்கிய நாடுகள் சபையில் தமிழ் மொழியை முதலில் பேசியவர் பிரதமர் மோடி தான் என்று அவர் கூறினார் .
இலங்கை தமிழர் குறித்து பேசும் போது , காங்கிரஸ்-திமுக ஆட்சியில் இலங்கையில் தமிழர்கள் படுகொலை செய்யப்பட்டனர் . மேலும் இதனால் தமிழக மீனவர்களும் பாதிக்கப்பட்டனர் என்று பேசினார் .
‘உலகம் முழுவதும் ஒன்று’ என்ற உயிரை தத்துவத்தை தமிழ்நாட்டின் கலாச்சாரத்திலிருந்து இந்தியாவின் ஜி 20 கருவாக பிரதமர் மோடி வைத்துள்ளார் என்று கூறிய மத்திய அமைச்சர், தனது பிரான்ஸ் பயணத்தின் போது, திருவள்ளுவருக்கு சிலை கட்டப்படும் என்று பிரதமர் அறிவித்ததை நினைவு கூர்ந்தார்.
காசி தமிழ் சங்கம் மற்றும் தமிழ் சௌராஷ்டிர சங்கமம் போன்ற மத்திய அரசின் முன்முயற்சிகளை எடுத்துரைத்ததோடு, இலங்கைத் தமிழர்களுக்கு செய்துள்ள நலத்திட்டங்களையும் கோடிட்டுக் காட்டினார்.
திமுக ஆட்சியை தேசத்திலேயே ஊழல் நிறைந்த ஆட்சி என்று கூறிய அமித் ஷா, தமிழகத்தில் வளர்ச்சி மற்றும் நல்லாட்சி அரசியலுக்கு வருவதற்கான முயற்சியாக பாஜக யாத்திரை உள்ளது என்றார். “இந்த யாத்திரை காஷ்மீர் முதல் கன்னியாகுமரி வரையிலும், கொல்கத்தாவில் இருந்து சோம்நாத் வரையிலும் தமிழ் கலாச்சாரத்தை எடுத்துச் செல்லக்கூடிய யாத்திரை என்று அவர் தெரிவித்தார் .
திமுக ஆட்சியானது சட்டவிரோத மது , மணல் , தமிழ்நாடு மின் உற்பத்தி மற்றும் விநியோக ஊழல் போன்ற அரசாக செயல்பட்டுவருகிறது என்று குற்றம்சாட்டிய மத்திய அமைச்சர் , திமுக ஏழைகளுக்கு எதிரான அரசு என்று விமர்சனம் செய்தார்.
திமுக, திரிணாமுல் காங்கிரஸ் மற்றும் சிவசேனா உள்ளிட்ட காங்கிரஸ் கூட்டணி கட்சிகளை ஒவ்வொன்றாக பட்டியலிட்ட அவர், அவர்கள் அனைவரும் தங்கள் குடும்பங்களுக்கு அதிகாரம் அளிக்க முயற்சிப்பதாக குற்றம் சாட்டினார். அவர்கள் நாட்டின் வளர்ச்சியில் அக்கறை காட்டவில்லை என்று குற்றம் சாட்டினார்.
சோனியா காந்தி தனது மகன் ராகுலை பிரதமராக்க விரும்புகிறார், மு.க.ஸ்டாலின் தனது மகன் உதயநிதியை முதல்வராக்க விரும்புகிறார். மேற்கு வங்க முதல்வர் மம்தா பானர்ஜி, RJD தலைவர் லாலு பிரசாத் யாதவ் மற்றும் சிவசேனா (UBT) தலைவர் உத்தவ் தாக்கரே ஆகியோர் தங்கள் வாரிசுகளை தலைமைப் பதவிகளில் பார்க்க விரும்பும் தலைவர்கள் என்றும் பாஜக உயர் தலைவர் விமர்சித்தார்.
எனினும், நாட்டின் வளர்ச்சிக்காக பாடுபடும் ஒரே தலைவர் மோடி மட்டுமே என்றார். மோடி தனது ஒன்பது ஆண்டுகால தலைமைப் பொறுப்பில் சாதிவெறி, குடும்ப அரசியல், பிராந்தியவாதம் ஆகியவற்றுக்குப் பதிலாக செயல்திறனுக்கான அரசியலைக் கொண்டு வந்துள்ளார் என்று பாஜகவின் உயர்மட்டத் தலைவர் அமித் ஷா கூறினார்.
குற்றம் சாட்டப்பட்டு சிறையில் இருக்கும் திமுக தலைவர் ஒருவர் தமிழகத்தில் அமைச்சராக தொடர்வதையும் ஷா விமர்சித்தார் . அமலாக்க இயக்குனரக வழக்கில் கைதாகி சிறையில் இருக்கும் வி.செந்தில் பாலாஜியை அமைச்சரவையில் வைத்திருப்பதற்கு ஸ்டாலின் வெட்கப்பட வேண்டும்.
“சிறையில் இருப்பவர் அமைச்சராக நீடிக்க முடியுமா” என்று கேள்வி எழுப்பிய அவர் . “செந்தில் பாலாஜி ராஜினாமா செய்திருக்க வேண்டாமா? செந்தில் பாலாஜி ராஜினாமா செய்தாலும் , எங்கு தங்களது ரகசியங்கள் அனைத்தும் வெளியாகிவிடுமோ என்ற பயத்தில் செந்தில் பாலாஜியின் ராஜினாமாவை ஸ்டாலின் ஏற்க மாட்டார்.”
2021 சட்டமன்றத் தேர்தலில் 500-க்கும் மேற்பட்ட வாக்குறுதிகளை அளித்த ஸ்டாலின், அந்த வாக்குறுதிகளை நிறைவேற்றாமல், ஒட்டுமொத்த தமிழகத்தையும் மது வியாபாரத்தில் மூழ்கடித்துவிட்டார் என்று அமித் ஷா குற்றம்சாட்டினார்.
தமிழக பாஜக தலைவர் அண்ணாமலையின் ‘என் மண், என் மக்கள்’ பாதயாத்திரையை பின்னர் கொடியசைத்து துவக்கி வைத்த அவர் , “இந்த யாத்திரை தமிழகத்தை வாரிசு மற்றும் ஊழல் அரசியலில் இருந்து விடுவித்து, வளர்ச்சி மற்றும் ஏழைகளுக்கு ஆதரவான முயற்சிகளின் சகாப்தத்தைத் தொடங்குவதற்கான யாத்திரை” என்று கூறினார்.
கட்சி உறுப்பினர்களின் உற்சாக முழக்கங்களுக்கு மத்தியில் மத்திய அமைச்சர் அண்ணாமலையின் கையைப் பிடித்து உயர்த்தினார்.
இந்த யாத்திரையின் போது அண்ணாமலை வாகனத்தில் 10,000 கி.மீ., தூரத்தையும் , கால்நடையாக 700 கி.மீ., தூரத்தையும் பயணிக்க உள்ளார் .
பாதயாத்திரை தொடங்குவதற்காக அமைக்கப்பட்டிருந்த மேடை, புதிதாகத் திறக்கப்பட்ட நாடாளுமன்றக் கட்டிடத்தின் மாதிரியாக அமைக்கப்பட்டிருந்தது குறிப்பிடத்தக்கது .
