சட்டமன்ற தேர்தலில் 4 சீட்டுகளை பாஜகவுக்கு பிச்சை போட்டது அதிமுக. மழை வெள்ளம் வரும்போதெல்லாம் வரமாட்டார் மோடி. அப்போது தேர்தல் வரும் போது தான் வருவார் என விழுப்புரத்தில் முன்னாள் அமைச்சர் சி.வி சண்முகம் பேச்சு.
எளிய மனிதர்களை வேட்பாளராக நிறுத்துகிற இயக்கம் அதிமுக. கடந்த 1972-ல் இருந்து இதைத்தான் செய்து வருகிறது. பாஜக அரசியல் அதிகாரத்தை பயன்படுத்தி அதிமுகவையும் சின்னத்தையும் முடக்க நினைக்கிறது. அப்போது தேர்தல் விதிமுறைகளை திமுக மீறி உள்ளது.
அதன் குறிப்பாக விழுப்புரத்தில் பொன்முடி காரில் வந்து வேட்பு மனு தாக்கல் நிகழ்வில் கலந்து கொண்டார். தேர்தல் நடத்தும் அதிகாரிகள் இதை வேடிக்கை பார்த்து கொண்டிருக்கிறார்கள்.
தேர்தல் நியாயமான முறையில் நடக்குமா என்பது சந்தேகமாக உள்ளது. ஆளுங்கட்சிக்கு துணை போகும் அதிகாரிகள் காவல்துறை அதிகாரிகளை மாற்ற வேண்டும் என்று தேர்தல் ஆணையத்தில் புகார் கொடுத்திருக்கிறோம்.
திமுக அமைச்சர்கள் இப்போது அவர்களுடைய வழக்குகளை பற்றி தான் பேசி கொண்டிருக்கிறார்கள். வட மாநிலங்களில் உதயநிதி மீது வழக்கு தொடுக்க தயாராகி வருகிறார்கள். திமுகவிற்கு போடும் ஓட்டு, பாஜகவிற்கு போடும் ஓட்டு, மதத்தின் பெயரால் பிரிவினையை உருவாக்கும் கட்சி பாஜக.
மீண்டும் மீண்டும் மோடி வேண்டும் என்கிறார்கள், நாங்கள் வேண்டாம் என்கிறோம். மோடி ஆட்சியால் இந்தியாவில் ஜனநாயகத்திற்கு ஆபத்து. தனிமனித சுதந்திரத்திற்கு ஆபத்து.
கடந்த சட்டமன்ற தேர்தலில் 4 சீட்டுகள் பாஜகவிற்கு அண்ணா திமுக போட்ட பிச்சை. தமிழ்நாடு கஞ்சா போதை மற்றும் பாலியல் தொந்தரவுகள் அதிகமான ஆட்சியாக ஆகிவிட்டது.
கடந்த 10 ஆண்டுகளாக பாஜக அரசு விலைவாசி உயர்வு வேலையில்லா திண்டாட்டம் ஆகியவற்றை உண்டாக்கியது. வெள்ளம் புயல் வந்தால் வரமாட்டார் மோடி. தேர்தல் வந்தால் வருவார்.
திருக்குறள் தான் சிறந்த நூல் என்று சொல்லுகிற மோடி ஏன் தேசிய நூலாக திருக்குறளை அறிவிக்கவில்லை. தமிழக அரசு தண்ணீர் மது விற்பனையில் தான் முன்னோடியாக இருக்கிறது. அதை தொடர்ந்து செயல்வீரர்கள் அதிமுகவுக்கு வாக்கு சேகரிக்கிற வேலையில் ஈடுபட வேண்டும் என்று பேசினார்.
